आदम ते ओह़दी लाड़ी 'ह़व्वा' परमेसरे दे बनाए दे बागै च बड़ी खुशी कन्ने रौहना लगे।
एक दिन के ह़ोया के शैतान सप्पे दी शक्ली च उनेंगी बकाने कीते बागै च आया।
ओस ह़व्वा सा पुछेया, "के एह़ सच ए?"
के परमेसरे तुसेंगी इस बागै दे सारे बुटे दा फल खाने सा ठाकेदा ए।
ह़व्वा ने ग्लाया, "एह सच्च नई ए, परमेसरे असेंगी ग्लाया के "तुस एस बागै दे ह़र बुटे दा फल खाइ सकदे ओ।
पर जेका फल शैल ते मदीं मत्त दिंदा ए उसी खाना तां दूर, छुयो वी नई।
कींजे जिस ध्याड़े वी तुस उस बुटे दा फल खागे, उस्सै ध्याड़े गै मरी जागे।
सप्पै ह़व्वा गी ग्लाया, "एह़ सच्च नई ए, तुसैं बिलकुल नई मरना! परमेसरे गी ए अप्पु पता ए,
के जिस वेह़ले वी तुस इस बुटे दा फल खागे, तां तुसेंगी वी परमेसरै आँगर शैल ते मदीं गल्लें दा पता लगी जाना ए।
ह़व्वा ने जिस वेह़ले दिखेया के एह़ फल दिखनेइ शैल ते मात्त देने आला ए।
ते ओह़स ओह़ फल त्रोड़िए खादा, ते आदम गी वी दित्ता।
जियाँ गै उनें ओह़ फल खादा। उंवा गै उदींयाँ अखियाँ खुली गेईयाँ। फी ओह़ दिखना लगे के अस नंगे आँ।
फी उनें त्रिंबलें दे पत्तरें दे टल्ले बनाईए लाई लेते।
जदुं संयैं वेह़लै परमेसर उनेंगी मिलने कीते आए तां परमेसरे दी औने दी छेड़ सुनिए ओह़ झुड़िएं च जाई छप्पे। फी परमेसरै आदम गी आला दित्ता।
"आदम तू मेरे सा कीं छप्फी गेया?" आदम ने ग्लाया, "हे परमेसर अऊं नंगा हा, तां छपी गेया।
फी परमेसरै आदम गी पुछेया,
"जिस फले गी मैं तुगी खाने सा ठाकेया हा, आखर तू ओह़ फल खाई गै लेता!"
आदन ने ग्लाया, "ह़व्वा ने मिगी खाने कीते दित्ता।
परमेसरे हव्वा गी पुछेया "तू एह़ के कित्ता?" ओस ग्लाया, "सप्पे मिगी बकाया ते मैं वी खाई लेता।
फी परमेसरे एह़ पाप करने दे कारन इनें त्रौउंनी गी बखरे-बखरे स्राप दित्ते।
परमेसरै सप्पे गी ग्लाया के
अऊं तेरे ते इस जनानिए दी नसला च दुश्मनी पाई रखगा।
परमेसरै हव्वा गी ग्लाया' "अऊं तेरे बच्चे जम्मने आली पीड़ें गी बदागा। फी वी तेरी इखी तेरे घरेआले बखी होग ते ओह़ तेरे ऊपर राज करग।
फी परमेसरे आदम गी ग्लाया, "तू अपनी घरेअलिए दी गल्ल सुनिए मेरे हुक्में गी त्रोड़ेया।
ताँ करिए इस धरता दी मिती तेरे कारन लानती ह़ोई ते,
तां तकर तू इदे च अपने खुन ते परसीने दी रुट्टी खागा, जां तकर के तू आखर च इस मितिया च नई मिली जाएं।
फी परमेसरै सोचेया इनें दऊंनी शैल ते मदीं गल्लें दा ज्ञान ह़ासल करी लेता दा ए।
पर इयां नई ह़ोए के ओह़ जीवने दा फल वी खाई लै़न ते म्हेशा जिदें रौह़न।
तां करिए परमेसरै उनेंगी उस बागे चा बाह़र कडी ओड़ेया ते बागे च चऊंनी बखियें सुर्गदूतें दा पैह़रा लाई ओड़ेया।