अज जे किश वी अस अपने अग्गे-पीछे दिखने आं, पहले इंदें चा किश वी नई हा।
ओस वेह़ले सिर्फ परमेसर हा, ओह़ ए ते म्हेशा रौह़ग, कींजे ओह़दा कोई अंत नई ए।
फी परमेसरै अपने सब्दें दे कन्ने सुर्ग ते धरती बनाई, ते अज जे किश वी उदे च ए, सब परमेसरै गै बनाया।
एह़ धरती, एह़ अंबर, सूरज, चान्न, तारे, समन्दर नदियाँ नाले ते ह़र किस्में दे पखरू ते जानवर परमेसरै गै बनादे ह़न।
इस दे मगरा परमेसरै एक खास चीज बनाई।
परमेसरै सोचेया के ओह़ एक मानु बनाग, जेह़दा स्बाव ते गुन उदे आंगर ह़ोन। ते उनेंगी अपनी मन मर्जी करने दा अख्तियार वी दित्ता।
फी परमेसरै मिट्टी कन्ने एक मानु बनाया।
ते उने मानुए दे नक्के च जीवने दा सा पाया ते ओह़दे च जान आई गई।
फी परमेसरै महसुस कित्ता के "मानुए दा इक्कला रौह़ना ठीक नइ ए।
इस किते परमेसरै ओह़दे कीते एक जीवन साथी बनाया।
ते परमेसरै उदें रौने कीते 'अदन' नाएं दा एक बाग बनाया। ते ओह़दे च बड़े सारे फलदार बुटे वी लाए।
ओह़स बागै च दो खास किस्में दे बुटे वी लाए।
उदें चा एक बुटा नेया हा, जेह़दा फल जिदंगी दिदां हा ते दुआ नेयां हा जेह़दा फल मदीं ते शैल गल्लें दी मत्त दिन्दा हा।
फी परमेसरै एह जानने कीते के, के ओह़ ओह़दी हुकमें गी मनदे या नई, उदीं पर्ख लेने कीते उंनेगी एह आज्ञा दित्ती के
तुस एस बागै दे सारें बुटे दा फल खाई सकदे ओ, पर ओस बुटे दा फल,के जेका शैल ते मदीं गल्लें दी मत्त दिंदा ए, तू उस बुटे दा फल कदे नई खायां।
जिस ध्याड़े वी तुस ओस बुटे दा फल खागेओ, उस्सै ध्याड़े तुस मरी जागे।
फी परमेसरै उनेंगी ओह़स बागै च रखेया ते उनेंगी आर्शिवाद दित्ता।