ए क्हानी उस वेह्ले दी ए, जिस वेह्ले इस दुनीया च किश वी नई हा।
जेकियां चीजाँ अस अपने अग्गैं-पीछैं दिखने आँ, इदें चा किश वी नई हा।
सिर्फ परमेसर गै हा। परमेसर अज ए, पह़ले वी हा ते म्हेशा रौहग।
उनैं सबनी थवाँ पहले सुर्ग ते धरती गी बनाया।
फी उनैं सुर्गे च रौहने, ते उदीं सेवा करने कीते सुर्गदूत बनाए।
ओह् ओहदी मैह्मा करदे हे ते ओह्दी हुक्में गी मनदे हे।
परमेसरै उनेंगी अपनियां-अपनियां जिम्मेदारियाँ दित्ती दियां हियाँ।- किश सुर्गे च ते किश धरती ऊपर वी।
लेकिन शुरू सा गै किश सु्रगदुतें परमेसरे दी गल्लें गी मनना छुड़ी दित्ता। ते अपनी मर्जिया दे रस्ते ऊपर चलना लगे।
इनें सुर्गदुतें दे एह मदें कम्में दे कारन परमेसरे एह फैंसला किता के ओह् एक ध्याड़े उनेंगी जरूर सजा देग ते सुर्गे चा बार सुटग ते नर्के दी अग्गी च पाग।
एह् उवै सुर्गदूत हन, जेके अज साह्ड़े च भू़त-प्रेत बनीए फिरदे ते मानुएं गी परेशान करदे हन।
इनें माड़ी आत्माएं दा एक प्रध़ान वी ए, जिसी अस शैतान ग्लाने आं, जेका उनें चलादां ए।
ते उदा कम्म एह् ए के मानुएं दे मने चा परमेसरे कीते बचारें गी चोरी लेंदा ते उनेंगी नास करने दी कोशिश करदा ए।
शैतान म्हेशा झू़ठ गै बोलदा, कींजे सच्च ते उदे च एह् गै नईं!
ओह् एह् चांदा ए के जियाँ ओह़ अप्पुँ परमेसरे दे खलाफ ए ते परमेसरे दी गल्लें गी मनना छुड़ी दित्ता ए,
उआँ गै परमेसरे दे बनाए दे सारे मानु वी परमेसरे दे खलाफ ह़ोई जाह़न ते परमेसरे दी गल्ले गी नई मनन।
पर सच्चा परमेसर तां ओह़ ए, जिनें इस संसार गी बनाया ए।